به نام خدا

یه بار دیگه سلام

بالاخره نوبت رسید به مرد دو هزار چهره .....

میخوام برای این مطلب تیتراژ ابتدایی و پایانی سریال مرد 2هزار چهره رو برای دانلود بذارم .

با این مطلب دیگه تیتراژ های سریالهای نوروزی تمام شدن . یعنی تیتراژ ابتدایی و پایانی سریالهای ماه عسل ، عید امسال ، مرد 2 هزار چهره و کلاه قرمزی 88 روی سایت قرار گرفتن . اگه چیزی از قلم افتاده توی نظرات بگین تا بذارم .

 ------------------------------------------------------------------------------------------------------------ 

مشخصات آهنگ تیتراژ ابتدایی سریال مرد 2000 چهره :  

خواننده  : بی کلام

فرمت  : wma

کیفیت : 96 kbps

مدت : 2 دقیقه و 6 ثانیه

حجم آهنگ : 1.51 mb

-------------------------------------------------------------------------------------------------------------

دانلود تیتراژ ابتدایی سریال مرد 2هزار چهره :

صرفه جویی یادتون نره ....

لینک های طلایی :

آلبوم جدید و بسیار زیبای یلدا به نام قصه گو  با 3 کیفیت متفاوت

لینک های طلایی :

موزیک ویدیو جدید و بسیار زیبای Hadise به نام Good Kiss با دو کیفیت

لینک های طلایی :

سیزه هارادان دانیشیم، گنجه شهریندن. گنجه شهرینده کیمدن. ضیاد خاندان. ضیاد خانین اؤولادی یوخ ایدی. همیشه اؤولاد دردی چکیردی. اؤولادسیزلیقدان قلبی آچیلمیردی، اوزو گولموردو. وزیری قارا کئشیش ده(قاراملیک) او گونده ایدی. لاپ سو چوخورو تاپمیشدی. بیر گون خان قارا کئشیشله(قاراملیک) باغدا اوتورموشدو، کئچمیشدن، گلجکدن صؤحبت ائله ییردیلر، دردلشیردیلر.
ضیاد خان دئدی:

- کئشیش، نه سنین اؤولادین وار، نه منیم. اؤلندن سونرا بیزیم چیراغیمیزی
کیم یاندیراجاق؟ گل فاغیر-فوغرانین قارنینی دویدوراق، نذیر-نییاز وئرک، بلکه
اللاه بیزه بیر اؤولاد وئردی. اؤزوده ایندیدن آرادا شرط قویاق.
کئشیش دئدی:
- نه کیمی شرط دئسن راضییام، تکی اؤولادیمیز اولسون.
ضیاد خان دئدی:
- ایر منیم قیزیم، سنین اوغلون اولدو، من قیزیمی سنین اوغلونا وئریم؛ یوخ، سنین قیزین، منیم اوغلوم اولدو، سن قیزینی منیم اوغلوما وئر. کئشیش راضی اولدو. کاغیذ یازیب، قول قویدوقدان سونرا هره اؤز اوتاغینا گئتدی. سحریسی گون ضیاد خان گنجه اهلینی، فاغیر-صغیرن هر نه کی وار، بیر یئره جم ائله دی، قارینلارین دویدوردو، اَیینلرین گئییندیردی، اَلسیز-آیاقسیزلارا پول وئریب، یولا سالدی.

دوققوز آی، دوققوز گون، دوققوز ساعات، دوققوز دقیقه ، دوققوز ثانیه کئچندن سونرا ضیاد خانین بیر اوغلو، قارا کئشیشین(قاراملیک) ده بیر قیزی دونیایا گلدی. ضیاد خان اعیان-اشرفی توپلاییب، شادیانالیق کئچیرتدی، اوغلانین آدینی ماحمود، قیزین آدینیمریم قویدولار. اوشاقلاری تاپشیردیلار دایه لارا. نئجه دئیرلر، ناغیل دیلی یویرک اولار. اوشاقلار بؤیویوب سککیز یاشا چاتدیلار. ضیاد خان اوغلونو موللا یانینا قویدو. قارا کئشیش(قاراملیک) ده قیزینی اؤزو اوخوتماغا باشلادی. ای دولاندی، ایل کئچدی، ماحمودلا مریم اون بئش یاشینا چاتدیلار؛ آما بو اون بئش ایلین عرضینده نه قیز اوغلانی گؤرموشدو، نه ده اوغلان قیزی.

ماحمود گونونو له له سی صوفییه دئدی:
- صوفی، گئت آتامدان ایذن آل، من اووا چیخماق ایسته ییرم. صوفی گئدیب، ماحمودون سؤزونو ضیاد خانا یئتیردی. ضیاد خان ایذن وئردی. ماحمود آت میندی، ترلانینی دا قولونون اوستونه آلیب، شهردن چیخدی. بیر قدر یول گئتدیکدن سونرا ماحمودون ترلانی قولونون اوستوندن قالخدی، بیر قشنگ قوشو قاباغینا قاتیب، اؤزونو ووردو آغاجلارین آراسینا. ماحمود دئدی:
- صوفی، سن آتیمی ساخلا، من ترلانین دالیسینجا گئدیم، گؤروم هارا قوندو؟ صوفی آتلارین یانیندا قالدی. ماحمود دوشدو قوشون دالینجا. ماحمود ترلانینی اختارماقدا اولسون، سیزه دئییم کئشیش قیزی مریمدان.
مریم باغا سئیره چیخمیشدی. سرو آغاجی نین یانینا چاتار-چاتماز گؤردو کی، بیر ترلان گؤزل بیر قوشو قاباغینا قاتیب قووور. قوش اؤزونو یئتیریب، سوخولدو

مریمین قوجاغینا. مریم تئز قوشو توتدو. ترلان اؤزونو یئتیردی، ایسته دی قوشو مریمین الیندن آلسین، مریم ترلانی دا توتدو.
او بیری طرفدن ماحمود آغاجلارین آراسیینان گلیب، بو باغا چیخدی. باخدی کی، باغ نه باغ؟.. گول بولبولو، بولبول گولو چاغیریر. آغاجلار چیچکله ییب، نرگیزلر باش قالدیریب. ماحمود بیر قدر ایره لی گئدیب گؤردو کی، سرو آغاسی نین آلتیندا مارال میثال بیر قیز یوز ناز-قمزه ایله دایانیب. قاشلار کامان، گؤزلر قارا، بورون هیند فیندیغی، سینه سمرقند کاغیذی. ماحمود گؤردو ترلانی دا بو قیزین الینده دی. ماحمود ایره لیله مک ایسته ینده مریم گئری دؤنوب اونو گؤردو. کامان قاشلارینی چاتیب، غضبلی-غضبلی دئدی:

- اوغلان، کیمسن؟ ایذنسیز بو باغا نییه گیرمیسن؟
- ماحمود آلدی سینه سازینی، گؤرک ترلانینی قیزدان نئجه ایسته ییر. الدی ماحمود:

ای گؤزل قیز، سد آفرین اصلینه،
الا گؤزلوم، ترلانیمی گتیر وئر!
منم او ترلانین اووچو صیادی،
الا گؤزلوم، ترلانیمی گتیر وئر!

ماحمود بئله دئینده قیز بیلدی کی، ترلان بونون کودو. قارا ساچلاریندان اوچ
تئل آییریب، سینه ساز عوضینده سینه سینه باسدی، گؤرک اونا نه جاواب وئردی.

الدی مریم:

من بیلیرم بو ترلانین ایشینی،
کرم ائیله، ترلانینی گل آپار!
ترلان گرک یئسین اووون دؤشونو،
کرم ائیله، ترلانینی گل آپار!

الدی ماحمود:
اینینه گئییرسن گؤزل دارایی،
شانا آلیب تئللرینی دارایی؛
صیاد اولان ترلانینی آرایی،
الا گؤزلوم، ترلانیمی گتیر وئر!

 الدی مریم:
اووون اولوب بدنیندن یارالی،
بولبول اولان گول گؤرمه سه ، سارالی؛
نه اوچون دورورسان مندن آرالی؟
کرم ائیله، ترلانینی گل آپار!

الدی ماحمود:
ماحمود دئیر، نه لر گلدی باشیما،
گئدیم سؤیلگیممی تایی-توشوما؟..
اوووم سنسن، گؤزل، چیخدین قارشیما،
الا گؤزلوم، ترلانیمی گتیر وئر!
الدی مریم:

سؤز تاماما یئتدی، قیز دئدی:
- اوغلان، کرم ائله، تئز چیخ بورادان گئت، کئشیش بابام گلیب بیزی گؤرمه سین.

ماحمود دئدی:
- بو گوندن منیم آدیم کرم اولسون، سنین آدین اصلی. ایندی قوشومو وئر، واریم گئدیم.

الدی اصلی جاوابیندا گؤرک نه دئدی:
کرم، قوشون اوچدو قوندو بوداغا،
کرم اوغلان، کرم ائیله، قوشون آل!
گؤزلرینه وئررم قوربان، ساداغا،
کرم اوغلان، کرم ائیله، قوشون آل!

منیمله دوروبسان قاباق-قاباغا،
اولوم قامتینه قوربان، ساداغا،
ضیاد خان اوغلونا اولماز قاداغا،
کرم اوغلان، کرم ائیله، قوشون آل!

بولبوللر اوخویور باهارین فصلی،
گؤزلرین اولوبدو جانیمین قصدی،
ادیم مریم ایدی، سن قویدون اصلی،
کرم اوغلان، کرم ائیله، قوشون آل!

سؤز تاماما یئتدی. کرم قیزا، قیز دا کرمه آشیق اولدو، عهد-پئیمان ائله دیلر.
کرم بارماغینداکی اوزویو قیزا، قیز دا ایپک دسمالینی کرمه وئردی.

لینک های طلایی :

دویمامیشام شکر کیمی دیلیندن، قورخوم یوخدو منیم هئچ ده اؤلومدن، ساریلیبسان اینجهمییان بئلیمدن، امان کرم، منی روسوای ائیله مه! اغام کرم، پاشام کرم، خان کرم! الیش کرم، توتوش کرم، یان کرم! اصلین اولسون سنه قوربان، سان کرم، امان کرم، منی روسوای ائیله مه!

سؤز تامام اولدو. کرم اونونلا حالال-هوممت ائله دی، صوفی نین یانینا قاییتدی، اتینی مینیب شهره گلدی. اؤز منزیلینده اصلی دئییب گیزلی-گیزلی آغلاماقدا اولسون، سیزه دئییم ضیاد خاندان. ضیاد خانا خبر چاتدی کی، اوغلون خستله نیب، نئچه گوندو کی، منزیلیندن باییرا چیخمیر. هامان ساعات ضیاد خان قالخیب، اوغلونون یانینا گلدی، خبر آلدی: - اوغلوم، دردین ندی؟

کرم دئدی: - آتا، ایذن وئر، دردیمی ساز ایله دئییم، دیلنن دئسم دیلیم آلیشیب یانار. ضیاد خان ایذن وئردی.

الدی کرم، گؤرک آتاسینا نه دئدی:

کئشیش باغچاسیندا بیر گؤزل گؤردوم، عاغلیمی باشیمنان آلدی، نه چاره؟ داراییب زولفونو، تؤکوب اوزونه، سریمی سؤودایا سالدی، نه چاره؟

من ده بیلدیم بو بیر ترسا قیزیدی، سحردن پارلامیش دان اولدوزودو، یاشیل باش سونادی، گؤللر قازیدی، عاغلیمی باشیمدان آلدی، نه چاره؟ صحیفه 8

دردلی کرم دئیر فورقتیم قاتی، کسکیندی قیلینجی، یویرکدی آتی، او، عیسوی، من محممد هوممتی، اتشی سریمده قالدی، نه چاره؟

سؤز تامام اولدو، ضیاد خان دئدی: - اوغول، سنین دئدیکلریندن من بیر شئی باشا دوشمه دیم. ایر آشیقسان، دئ گؤروم کیمی ایسته ییرسن، سنین اوچون آلیم.

کرم اوچ یاشیندا اوشاق کیمی باشلادی آغلاماغا. ضیاد خان اوغلونون یانیندان چیخیب، بیر باش دیواناگلدی، تاختینا چیخیب امر وئردی کی، هر کیم منیم اوغلومون دردینی بیله، من اونو دونیا مالیندان قنی ائلرم. شهرده طبیب قالمادی گلمه میش اولا، آما هئچ کیم کرمین دردیندن بیر شئی آنلایا بیلمه دی. بیر گون کرم اوتورموشدو باغدا، اؤزو ده چوخ داماقسیزدی. بیر قاری ائشیتدی کی، ضیاد خانین اوغلو خسته دی، هئچ کیم ده اونون دردینی تاپا بیلمیر، دئدی: - هر نه اولور-اولسون گرک من کرمین دردینی تاپام، بلکه ضیاد خان منه بیر قیرمیزی دونلوق وئره.

قاری عصاسین الینه آلیب، اؤزون یئتیردی ضیاد خانین باغینا، گؤردو کرم چوخ قمگین اوتوروب، گؤزلری یول چکیر، دئدی: - اوغول، شهرین گلینلری، قیزلاری، اوغلانلاری گولشن باغینا سئیره چیخیبلار، سن نه اوچون بورادا تک-تنها اوتوروبسان؟ کرم دئدی: - قاری ننه، سننن بیر سؤز سوروشاجاغام. آنجاق بو سؤز ایکیمیزین آراسیندا قالمالیدی.قاری دئدی: - اوغول، قاری کی وار، بیر اوووج داریدی. هارا سپله سن، ائله اوراداسا قالار. سن سؤزونو دئ! کرم دئدی: - ننه، او قیزلارین ایچینده کئشیشین قیزی دا اولاجاقمی! قاری دئدی: - اولاجاق. کرم دریندن بیر آه چکدی. قاری ایشی باشا دوشدو، بیلدی کی، کرم مریمه اشیقدی. بالاغینی قاتلاییب، اؤزونو ضیاد خانا یئتیردی، دئدی: - ضیاد خان، اوغلووون دردینی بیلمیشم. ضیاد خان سوروشدو:- اوغلومون دردی ندی؟ قاری دئدی: - اوغلون کئشیش قیزی مریما آشیق اولوب. ضیاد خان ایشی یقین ائله یندن سونرا قارییا پول وئریب یولا سالدی، هامان ساعات کئشیش اوچون آدام گؤندریب، حوضورونا چاغیرتدیردی. کئشیش ضیاد خانین هوزورونا گلیب، ادب-سالامینی یئرینه یئتیردی. ضیاد خان اونا اوتورماغا یئر گؤستردی. کئشیش اوتوردو، ضیاد خان دئدی: - کئشیش، منیم اوغلوم سنین قیزینا آشیقدی، بو گون-صاباح گرک تویلارینی ائلیک. کئشیش دئدی: - منیم گؤزوم اوسته! آنجاق منه اوچ آی مؤهلت وئر، تداروک گؤروم. ضیاد خان راضی اولور، اوسته لیک اونا بیر اوزوک وئردی کی، قیزا وئرسین. کئشیش اوزویو الاندان سونرا بیر باش ائوینه گلدی، آروادینی چاغیریب دئدی: - آرواد، ضیاد خان قیزی الیمیزدن آلاجاق. گل قاچاق! ارواد راضی اولدو، هامان گون ائوده اولان هر نه شئیلری واردیسا ساتدیلار، سحر اچیلمامیش کؤچ-کولفتنن شهردن چیخیب قاچدیلار. اونلار قاچماقدا اولسون، سنه کیمنن دئییم، صوفیدن. صوفی ایشدن خبردار اولان کیمی کرمین یانینا گلیب دئدی: - آتان کئشیشین قیزینی سنه آلدی، نیشان دا تاخدیلار. کرم بونو ائشیدن کیمی سازینی سینه سینه آلیب دئدی: وعده سی چاتینجا، سوسن، سونبولون، صفاسین چکمه یه دال گلسین، گئتسین! سورگین دونیانین ذؤوق-صفاسین، بوینا دولانماغا قول گلسین، گئتسین!

سوسن ندی، سونبول ندی، گول ندی، اغ اوزونده قوشا-قوشا خال ندی، شکر ندی، شربت ندی، بال ندی، وئر، آغزیم ایچینده دیل گلسین، گئتسین!

 دوست باغیندا سوسن، سونبول منیمدی، بوداغیندا اؤتن بولبول منیمدی، باغچادا خار گؤرمه ین گول منیمدی، اؤپمک چون دوداغا خال گلسین، گئتسین! شاه گلیب فتح ائتدی بو کرم کانی. کرمین آشیغی، معشوقو هانی؟ قورخورام قاچیردا اصلی سونانی، قویما اوسته غئیر ال گلسین، گئتسین!

سؤز تامام اولدو. کرم یاری شاد، یاری ناشاد منزیلینه کئچیب، دوز اوچ آی گؤزله دی. بیر گون بوتاسی یادینا دوشوب، سازینی الینه آلیب، آتاسی نین یانینا گلدی. ضیاد خان خبر آلدی:

- اوغول، بئله گلمگی نین سببی ندیر؟ کرم سازینی آلیب، گؤرک آتاسینا نه دئدی:

اشدی گئتدی قارلی داغین آردینا، خان اصلیم یادیما دوشدو، آغلارام. هئچ طبیبلر چاره ائتمز دردیمه، خان اصلیم یادیما دوشدو، آغلارام. داغلارین بورچوسو منه یورد اولدو، مئشه سینده آسلان اولدو، قورد اولدو، بو اوچ آی منه بیر بؤیوک درد اولدو، خان اصلیم یادیما دوشدو، آغلارام. اوجا داغ باشیندا اؤتوشور قوشلار، مارالیم قاچیبدی، کیملر گؤرموشلر؟ دردیمی آنلاماز قارا کئشیشلر خان اصلیم یادیما دوشدو، آغلارام. هئی آغالار، بودو سؤزون ازه لی،

پاییز اولار، باغلار تؤکر خزه لی، درد آنلاماز بو یئرلرین گؤزه لی، خان اصلیم یادیما دوشدو، آغلارام.

دردلی کرم دئیر، بو دردیم بیتمز، یاریمین سؤوداسی سریمدن گئتمز، یوز مین اؤیود وئرسز، بیری کار ائتمز، خان اصلیم یادیما دوشدو، آغلارام.

سؤز تامام اولدو، ضیاد خان دئدی: - اوغلوم، بو گون صبر ائله، صاباح کئشیشین قویدوغو ایغرار تامامدی، ییغیشیب، بیرلیکده گئدریک سنین بوتاوو گتیرمه یه.

ائرته سی گون ضیاد خان بؤیوک جاه-جلالنان ییغیشیب، کئشیشین ائوینه گلمه یه بینا قویدولار. بیر قدر یول گئدندن سونرا کرم دئدی: - سیز یاواش گلین، من آتیمی چاتیب، سیزدن قاباق گئدجیم. ضیاد خان راضی اولدو. کرم آتینی چاپیب، بیر قدر گئتمیشدی کی، یولدا ایکی نفر پییادایا راست گلدی. کرم اونلاردان خبر آلدی: - هاردان گلیب، هارالارا گئدیرسینیز؟ دئدیلر: - کندده بیر کئشیش وار، اونون یانینا گئتمیشدیک کی، کیتابا باخدیراق، گئدیب گؤردوک کؤچ-کولفتیینن کؤچوب گئدیب. کرم بئله ائشیدنده آز قالا عاغلی باشیننان چیخدی. بیر قدر آتینی سوردو، گؤردو کی، قارشیداکی داغلارین باشینی دومان بورویوب. آتینی ساخلاییب، گؤرک داغلارا نه دئدی: خان اصلیم زنگیدن فرار ائله ییب، یول وئرمگین، باشی دومانلی داغلار! بئله گئتمیش آتاسی ایله آناسی، یول وئرمگین، باشی دومانلی داغلار! قالخیشدیلار خانلار، آغالار تویا،

اوچوبدو الیمدن بیر آغسا مایا،

یول وئرمگین، باشی دومانلی داغلار. دردلی کرم بو عشق ایله بیشمیشدی، سئودا اوچون جان-باشیندان کئچمیشدی؛ اصلی، کئشیش خوی اوستونه کؤچموشدو، یول وئرمگین، باشی دومانلی داغلار!

کئشیش قاچیر

کرم آتینی چاپیب، اؤزونو کئشیشین باغینا سالدی. آتدان دوشوب، هر طرفی گزدی. اصلیدن بیر ایز تاپمادی؛ گؤردو کی، دوغرو دئییرمیشلر، له له کؤچوب، یوردو بوش.

کرمین دردی توغیان ائله دی.

آلدی، گؤرک نه دئدی:

گلدیم دوست باغینا، ائیله دیم نظر، گؤردوم یارین باغچاسیندا گول یئری. اغ بوخاغا دنه-دنه دوزولموش، عاغلیمی باشیمدان آلدی خال یئری

چاغیریرام گئجه-گوندوز من جلیل، اوستوموزده قادیر مؤولام هم دلیل؛ اغ کفه نی قملی، ایینه سی ملول، بللی یارین کفه نینده ال یئری.

عرض-حالیم یازدیم من اصلی دوستا، اونون اوچون اولدو کؤنول شیکسته، یاسدیغی قان آغلار، یورغانی یاسدا، دؤشک جاواب وئرر منده یول، یئری!

کرمینی آتمیش، یادلاری توتموش، دردینی توپلاییب، دردیمه قاتمیش، الا گؤزدن چاغلاییبان یول ائتمیش، وفالی دوست اوتاغیندا سئل یئری.

کرم سؤزونو تاماما چاتدیریب، اؤزونو یئتیردی همیشه اصلی کؤلگه سینده اوتوران سرو آغاجینا. اورگیننن قارا قان آخا-آخا سرو آغاجینی قوجاقلاییب، گؤرک اصلینی اوننان نئجه خبر آلدی: دور، سرو، دور، سننن خبر سوراییم، سرو آغاجی، سنین مارالین هانی؟ گؤزومدن آخیتما قانلی یاشلاری، سرو آغاجی، سنین مارالین هانی؟

الچاقلی-اوجالی قارشیدا داغلار، کؤنلوم اینتیظاردی، گؤزوم قان آغلار، خسته نین حالیننان نه بیلر داغلار؟ سرو آغاجی، سنین مارالین هانی؟

دوغرو سؤیله مه سن، قددین اَییلسین، قارغارام مؤولادان، بئلین بوکولسون، بیر آه چکیم یارپاقلارین تؤکولسون، سرو آغاجی، سنین مارالین هانی؟

کرم دئیر، گؤز یاشلاری تؤکرم، ویران باغدا بولبول اولوب اؤترم، یاریمین یولوندا باشدان کئچرم، سرو آغاجی، سنین مارالین هانی؟

کرم، سرو آغاجیننان هئچ بیر جاواب آلا بیلمه دی، دؤنوب کئشیشین ائوینه طرف گلدی. گؤردو کی، کئشیشین ائوی اوچولوب، ویران اولوب. کرمین داها دا دردی آرتدی. سینه سازینی آلیب، گؤرک نه دئدی:

کئشیش باغچاسینا گلدیم، گؤردوم نازلی یاریم گئتمیش. باغ گؤزومه خور گؤروندو، ساللانیب گزه نیم گئتمیش.

جانیم هسرتدی گؤزونه، شکردن شیرین سؤزونه؛ سییاه زولفون آغ اوزونه داراییب تؤکه نیم گئتمیش.

بویو بنزردی فیدانا، اودلار سالدی شیرین جانا، منی قویوب یانا-یانا، ساللانیب گزه نیم گئتمیش.

گولسوز باغا بولبول گلمز، گوللو باغلار ویران اولماز،- کرم سنسیز بوردا قالماز، هارای اصلی خانیم گئتمیش.

کرم اصلینی آختارا-آختارا باغی گزیردی، باخدی کی، کنارداکی گول باغیندا بیر قیز سئیر ائدیر. کرم ائله بیلدی کی، بو اصلی خاندی.

منی آغلار قویوب، اؤزو باغدا سئیر ائدیر. آلدی سازی گؤرک نه دئدی:

آلا گؤزلو، نازلی دیلبر، گولونمو اولدون، گولونمو اولدون؟ ازل منیم ایدین عنبر، ائلینمی اولدون، ائلینمی اولدون؟

پنجره یه چکیب پرده، سن اوغراتدین منی درده؛ من گئدیرم، سن بو یئرده قالانمی اولدون، قالانمی اولدون؟

ائویمیزین دالی اییده، اییدنین اوجلاری گؤیده، دؤشمه لی ائیوان اؤیده گلینمی اولدون، گلینمی اولدون؟

آینانی آلدین دیزینه. سورمه نی چکدین گؤزونه، سن بزک وئریب اؤزونه. خانیممی اولدون، خانیممی اولدون؟

گردنه تؤکدون تئلینی، ایشلتدین فیتنه-فئعلینی، بوکدون کرمین بئلینی، قنیممی اولدون، قنیممی اولدون؟

قیز کرمه طرف گلیب دئدی: - اوغلان، من اصلی دئییلم. سنین آرادیغی اصلینی، نه مودتدی کی، آتاسی گؤتوروب گئتدی. هارا آپاردیغینی دا بیلمیرم.

کرم دؤنوب آغلایا-آغلایا سرو آغجینا طرف گئتدی. ضیاد خان نئچه-نئچه آداملارنان کئشیشین باغینا داخیل اولوب گؤردولر کی، له له کؤچوب، یوردو بوش. بورالاردا کئشیش نه گزیر.

ضیاد خان آدام گؤندردی کئشیشدن بیر خبر بیلسین، اؤزو ده صوفینی آلیب یانینا، کرمه آختارماغا باشلادی. گلیب هامان سرو آغاجی نین دیبینده کرمی اغلار بیر حالدا تاپدیلار. صوفی کرمی یئردن قالخیزدی. ضیاد خان خبر آلدی: - اوغلوم، بو نه حالدی دوشوبسن؟ بس کئشیش هارادادی؟ کرم دئدی:

- آتا، ایذن وئر دردیمی سازلا دئییم. دیل ایله دئسم، دیلیم آلیشیب یانار. ضیاد خان ایذن وئردی، کرم آلیب سینه سازینی، گؤرک آتاسینا نه دئیجک: فلک منی باغا باغبان ائیله دی، دوست باغینا هئچ گیرمه دیم، آغلارام. عالم دردی بسله دیگیم گوللری. بیر گول دریب اییله مه دیم آغلارام.

گؤرونمور هئچ بو یئرلرین سولتانی،

قول بوینونا هئچ دیمه دی، آغلارام. گؤرونمز، گؤرونمز منیم مارالیم، کسیلدی، قالمادی صبریم، قراریم؛ قارا کئشیش(قاراملیک) قیزی اصلیدی یاریم، یار حالیمی هئچ بیلمه دی، آغلارام.

کرم دئیر، زالیم فلک نئیله دی، خنجر ایله باغریم باشین تــئیله دی، اصلی خانیم منه نه لر ائیله دی، ایلقاریندا دوز اولمادی، آغلارام.

سؤز تامام اولدو، کرم باشلادی آغلاماغا، بئله کی، گؤزوننن باهار بولودو کیمی یاش آخیردی.

ضیاد خانین کئشیشین دالینجا گؤندردیگی آداملار گئری قاییتدیلار، کئشیشین قاچدیغینی خبر وئردیلر. ضیاد خان کور-پئشمان اوغلونو یانینا آلیب، ائوینه قاییتدی. کرم اؤز منزیلینده سارالیب-سولماغا باشلادی. ضیاد خانا خبر گئتدی کی، بس اوغلون پیس حالدادی. ضیاد خان هامان ساعات بیر نئچه مؤعتبر شخصلری اوغلونون یانینا گؤندردی کی، احوال-پورسانلیق ائلسینلر. ضیاد خانین آداملاری گئتدیلر کرمین یانینا. کرمنن هر نه سوروشدولارسا، جاواب وئرمه دی. اونا اؤیود-نصیحت وئردیلر، کؤنلونو آلدیلار. اخیردا کرم سازی سینه سینه باسیب دئدی:

الا گؤزلو، قلم قاشلی، منیم سونام گؤلدن اوشدو، منی قویدو اینتیظاردا، واریب، غئیری گؤله دوشدو.

بیزیم ائللر گول باغیدی، کؤنول عشقین بولاغیدی؛ یئل اثر، زولفون داغیدی، ایندی فورصت بئله دوشدو.

هر زامان چکرم یاسی، سیلینمز کؤنلومون پاسی؛ سریمین گئتمز سئوداسی، التون کمر بئله دوشدو.

هانی سئودیسیگیم، هانی؟ یولوندا قویموشام جانی، کرم سئودی اصلی خانی، او دا قوربت ائله دوشدو.

سؤز تامام اولدو. کرم اوزوقویلو ییخیلیب، آغلاماغا باشلادی. آداملار گئری قاییدیب، احوالاتی ضیاد خانا خبر وئردیلر.

ضیاد خان بو دفعه اؤزو صوفینی ده گؤتوروب، کرمین یانینا گلدی. گؤردو کی، اوغلو او اوغول دئییل، پاییز یارپاغی کیمی سارالیب سولوب. کرم آتاسینی گؤرنده سازی سینه سینه باسیب دئدی:

اصلیم کؤچ ائله دی وطن ائلیندن، رقیبلرین خاطیر ائوی خوش اولسون! بو آیریلیق بیزه گلدی مؤولادان، اغلایالیم، گؤزلریمیز یاش اولسون!

عجب آیری دوشدوم نازلی یاریمدان، یولوندا کئچدیگیم سانو سریمدن، یازیلدی بیزیمچین مؤولا کریمدن، عاشیق گرک مین بلایه توش اولسون!

اوزومه گولردی، بیلمزدیم فندین، غئیرییه آچاجاق کؤکسونون بندین، من امه بیلمه دیم لبی نین قندین، یاغی رقیبلرین کؤنلو خوش اولسون.

اوغرون-اوغرون دوست باغینا گیرمه دیم، ال اوزادیب قونچا گولون درمه دیم، یاری اوتاغیندا تنها گؤرمه دیم، گوندوز خیال، گئجه لری دوش اولسون!

بیلر اوینار شترنجینی، نردینی، کیمسه بیلمز اورگیمین دردینی، چوخ چکمیشم بو دردلرین دؤردونو، قوی چکگیم، بونون ایله بئش اولسون!

سییاه زولفو آغ اوزونه یاییلان، دال گردنده هر هؤرویو بیر ایلان، یاری مندن منی یاردان آییران گؤروم اونو بیتمز درده توش اولسون!

اریسین، داغلارین قاری اریسین، سئل اولوبان یئر اوزونو بوروسون سوراهیلر دولسون، ساقی یوروسون، ایچک باده، ایچک، بیزه نوش اولسون!

کرم گئدر اولدو بو ائل-اوبادان، یاران، یولداش، اونوتمایین دوعادان، ایگید شاهین اوچورموشام یووادان، من گئدیرم، خاطیرینیز خوش اولسون!

سؤز تامام اولدو، ضیاد خان دئدی: - اوغول، سن منی بو قوجا واختیمدا داغا-داشا سالما. آچیق سؤیله گؤروم، نه ائلمک ایسته ییرسن؟ ائله بو یئرده کرمین بیر نئچه دوستلاری احوال-پورسانلیغا گلدیلر. کرم بونلاری گؤرن کیمی اورگی کؤورکلندی، گؤرک نه دئدی:

گئدر اولدوم، یار-یولداشیم ساغ اولسون، بول اولسون چؤرگی، آشی دونیانین! بوندان سونرا دردلرینیز وورولسون، سورمه لنسین گؤزو، قاشی دونیانین!

ارنلر قویدوغو یوللاری سئچدیم، دولدوروبان، عشقین باده سین ایچدیم، بیر بئله سئوداچین سریمنن کئچدیم،

باغلا بوستان اولسون چؤللر، صحرالار، بال ایله یاغ اولسون یئددی دریالار، مئیوه وئرسین بوتون داغلار، اووالار، ایسترم یاز اولسون قیشی دونیانین!

دردلی کرم دئیر؛ دونیا فانیدی، نئچه لرین ائلر آبدال، یورودو. کیمسه بیلمز نه زاماندان بریدی، هئچ حسابا گلمز یاشی دونیانین!

سؤز تامام اولدو. کرم دئدی: - آتا، منیم دردیم کئشیش قیزی اصلی خانین دردیدی. ضیاد خان دئدی: - اوغول، سن گل او قیزین عشقینی اورگیندن سیل! من بورادا کؤنلون ایسته دیگی بیر قیزی سنه آلارام. کرم دئدی: - آتا، منه اصلیدن غئیر-از گؤزل لازیم دئییل. من گرک اونو آختارام تاپام. ضیاد خان دئدی: - اوغول، گل سن بیر کئشیشین قیزیندان اؤترو دییار-قوربته دوشمه! کرم دئدی: - آتا، ایذن وئر من گئدیم. قوربت منه خوشدو. بلکه قیسمت اولا، یاریما یئتیشم. ضیاد خان دئدی: - اوغول، سن کی، بو سئودادان ال چکمیرسن، گئت، آللاه سنه یار اولسون! کرم آتاسی نین الیندن اؤپدو، صوفی ایله بیرلیکده آناسی نین یانینا گئتدی.

کرم حلاللاشیب یولا چیخیر

آناسی بونو بئله گؤرنده خبر آلدی:

- اوغلوم، بئله گلمگی نین اصلی ندی؟ کرم دئدی:
- آنا سن، ایذن وئر سازنان دئییم.
الدی کرم، گؤرک آناسینا نه دئدی:

قم، قضاوت بو گون باشا وئریلدی،
اغلا. آنا، آیریلیغین گونودو!
بیزه قیسمت قریب ائللر یازیلدی،
اغلا، آنا، آیریلیغین گونودو!

منی خار ائله دی ائلین دیللری،
من گئدیرم، گؤزله مگین یوللاری؛
واریبان گزرم قوربت ائللری،
اغلا، آنا، آیریلیغین گونودو!

فلک بیزی داشا چالیب نه اوزلر،
انا، اینتیظاردا قالماسین گؤزلر؛ -
کرم دئیر: اصلیم یولومو گؤزلر،
اغلا، آنا، آیریلیغین گونودو!

سؤز تامام اولدو، کرم آناسیننان حالاللیق آلیب، صوفی ایله برابر گلیب یولداشلاری نین یانینا، گؤرک بونلار ایله نئجه حالاللاشاجاق. الدی کرم:

یئنی بیر سئودادی، گلدی باشیما،
گلین حالاللاشاق، من گئدر اولدوم.
گلیب یا گلمه ییب، سیزی گؤرمرم،
گلین حالاللاشاق، من گئدر اولدوم.

اورگیمده واردی سؤنمز آتشلر،
یار الیننن درین یارالار ایشلر،
گولوب دانیشدیغیم دوستلار، سیرداشلار،
گلین حالاللاشاق، من گئدر اولدوم.


سئیراغیباسیررینیزیوئرمگین،
کئشیش گلسه بو یئرلره قویمایین،
اصلی گلسه کرم گئتدی، سؤیلگین،
گلین حالاللاشاق، من گئدر اولدوم.

سؤز تامام اولدو، کرم اؤز دوستلاری ایله گؤروشوب آیریلدی. صوفی ایله بیرلیکده یولا دوشدو. نه گئجه بیلدیلر، نه گوندوز بیلدیلر، آز گئتدیلر، چوخ گئتدیلر، بولاق باشیندا بیر دسته قیزا راست گلدیلر. بونلارین ایچینده اصلی خانا بنزر بیر قیز وار ایدی. کرم گؤرن کیمی سازی سییرینه باسیب دئدی:

ساللانا-ساللانا یولون اوستونه
چیخان دیلبر، منی ساننان ائیله دین،
قوبا قاز یئریشلی، شاهین باخیشلی،
باخان دیلبر، منی ساننان ائیله دین.

شاهین کیمی گؤر نه گلیر اوستومه،
خوب یاراشیر قیزیل گوللر دستینه،
باخیشلاری دوروب سانیم قصدینه،
باخان دیلبر، منی ساننان ائیله دین.

ترلان گؤرسه هورکوشسک سونالار،
قورخوم بودو - غئیری گؤله قونالار؛
اغ اللره، الوان-الوان حنالار
یاخان دیلبر، منی ساننان ائیله دین.

کرمین دردینه آغلایار گؤیلر،
گلیب گئدنلره دردینی سؤیلر،
کؤنول اصلی خاندان غئیریسین نئیلر؟!
دوران دیلبر، منی ساننان ائیله دین.

کرمین بئله اوخوماغینی گؤرن قیزلار یولدان چیخیب کنارلا گئتمک ایسته ینده کرم سازینی آلیب، گؤرک بو دفعه قیزلارا نه دئدی:

مندن کوسن نازلی، نازلی باجیلار،
من کناردان کئچیم، یول سیزین اولسون!
اورگیمده چوخدو قملر، آسیلار،
اغولار منیمکی، بال سیزین اولسون!

من یولچویام، یوللار کئچیب گئدیرم،
عشقین قاتارینی چکیب گئدیرم،
یانیقلییام، سو وار، ایچیب گئدیرم،
بیر جام وئرین ایچیم، دول سیزین اولسون!

سینم دویونلودوجییریم قارا،
اصلیسیز قالمیشام قمگین، آوارا،
باش گؤتوروب گئتدیم چؤله، دییارا،
ویرانه لر منیم، ائل سیزین اولسون!

مئی ایچیب مست اولماق یاراشماز بیزه،
یاری گرک تاپام من گزه-گزه،
بیر قونچا گولوم وار، تزه، تر-تزه،
یئنگیده آچیلان گول سیزین اولسون!

دردلی کرم دئیر: گؤزه لیم اصلی،
گؤزلریم یاشلیدی، اورگیم پاسلی؛
اوندان آیریلالی یاسلییام، یاسلی،
من قارا گئیینیم، آل سیزین اولسون!

سؤز تامام اولدو، قیزلار کرمه سو وئردیلر. کرم سو ایچدیکدن سونرا صوفی ایله بیرلیکده یولا روان اولدو. بیر مودت یول گلدیکدن سونرا کیچیک بیر کاروانا راست گلدیلر. کرم کاروانی گؤرنده اصلی یادینا دوشدو، آلدی سازی، سینه سینه باسدی، دئدی:

ای آغالار، کؤنول قوشو  

نازلی یاریمی قاچیرتدیم، ائللر، خان اصلیم گؤردوزمو؟ بولبولو باغدان اوچورتدوم، گوللر، خان اصلیم گؤردوزمو؟

بو گون بیزیم ائللر کؤچر، ایاغی بو یولدان کئچر، چوخ گؤزل بو سودان ایچر، گؤللر، خان اصلیم گؤردوزمو؟

اصلی حورئیدی بیلَنه، قوینو جننتدی گیرنه؛ گؤزلری بنزر جئیرانا، چؤللر، خان اصلیم گؤردوزمو؟

اوبالاری اویماق-اویماق، اولماز ایمیش یاردان دویماق، اغیز سوددو، دوداق قایماق، دیللر، خان اصلیم گؤردوزمو؟

نه گؤزل داراییب دوزر، قوربت ائله دوشموش، گزر، یوللار، خان اصلیم گؤردوزمو؟

گلدیم، گؤردوم اصلی کؤچوب، اتین سوروب بوردان کئچیب، اییلیب سویوندان ایچیب، سولار، خان اصلیم گؤردوزمو؟

کرم دئیر؛ سانیم کیمی، اتلاس گئیر خانیم کیمی، من سئویرم سانیم کیمی، ائللر، خان اصلیم گؤردوزمو؟

گورجوستانا گئتمگی

صوفی گؤردو کی، کرمین اوخوماغیندان بونلار بیر شئی باشا دوشمه دیلر، دیلله خبر آلدی:

لینک های طلایی :

- قارداش، بو طرفلرده کؤچ-کولفتنن بئله واریب گئدن بیر کئشیش گؤرمه دینیزمی؟ بونلاردان بیر نئچه سی کئشیشین گورجوستانا طرف گئتدیگینی سؤیله دیلر. کرمگیل ائله هامان گونو گورجوستانا طرف گئتمگین بیناسین قویدولار. بیر مودت یول گئتدیلر، بیر چؤلون دوزونده گؤینن گئدن بیر قاتار دورنا گؤردولر. کرم دورنالاری گؤرن کیمی سازینی سینه یه باسیب، گؤرک دورنالاردان نه خبر آلدی:

قاتار-قاتار گؤی اوزونده سوزورسوز، ایلن، دورنام، اَیلن، خبر سوراییم. بیزیم یورددان نه خبرلر بیلیرسیز؟ ایلن، دورنام، اَیلن، خبر سوراییم.

بیزیم یئرده سرین بولاق آخارمی؟ یاز گلنده بنؤوشه لر قوخارمی؟ الا گؤزلوم جئیرانگاها چیخارمی؟ ایلن، دورنام، اَیلن، خبر سوراییم.

بیتمزمی آغاجی بیزیم باغلارین، اسکیک دئییل هر جور گولو داغلارین، هئچ اولورمو سنین گؤزل چاغلارین، ایلن، دورنام، اَیلن، خبر سوراییم. خان اصلیمین جئیرانگاهی هارادا؟ حاق چاتدیرسین آشیقلاری مورادا؛ سانیم دورنا، نه گزیرسن بورادا؟ ایلن، دورنام، اَیلن خبر سوراییم. دردلی کرم دئیر: هاردان گه لرسیز؟ خان اصلیمین یئرین، یوردون بیلرسیز، گؤرسز، اونا مندن سالام دئیرسیز، ایلن، دورنام، اَیلن، خبر سوراییم.

کرم سؤزون تامام ائله دی. باخدی کی، دورنالار هئی دالبادال گئدیر، صوفییه دئدی: - صوفی له له، گؤرورسنمی، بو دورنالار بیزیم ائله گئدیرلر. قوی بونلارنان ائلیمیزه بیر خبر گؤندریم. کرم بونو دئییب، سازینی باسدی سینه سینه، تئللری دیللندیردی، آلدی، گؤرک نه دئدی:

دورنام، گئدر اولسان بیزیم ائللره، یاخشی سؤیله باشدان کئچن حاللاری. قوهوم-قارداش، دوست، موصاحیب اولانلار بوندان سونرا گؤزله مه سین یوللاری.

بیر چیخایدیم ائیوانینا، کؤشکونه، بیر باتایدیم عنبرینه، موشکونه، ادی بللی اصلی خانیم عشقینه، اؤلدوررلر، دورنا، تؤکسن تئللری.

کرم دئیر، هئچ کس یارین اؤیمه سین، ال اوزادیب آچام یاخا دویمه سین، هئچ یگیدین اوخو داشا دیمه سین، یاد اولماسین منیم کیمی ائللری.

سؤز تامام اولدو، یوللارینا داوام ائله دیلر. بیر مودت گئدیب، گونلرین بیرینده گورجوستان سرحددینه چاتدیلار. باخدیلار کی، بورادا بؤیوک بیر اوبا وار. اوبانین آهیل-ساهیلی قاباغا چیخدی، سالام-کالامدان سورا کیم اولدوقلارینی، هارادان گلیب، هارا گئتدیکلرینی سوروشدولار. کرم سازی سینه سینه باسیب، اؤزونو بئله نیشان وئردی: فلک منی باغا باغبان ائیله دی، باغبان آغلار، باغچا آغلار، گول آغلار. دوست باغینا آخماز اولدو سولاریم، سوسن آغلار، سونبول آغلار، سئل آغلار.

یاری تاپام، خینا یاخام الینه، الیب گئدم وطنینه، ائلینه. نه اولار کی، ساریلایدیم بئلینه، کمر آغلار، قایتان آغلار، بئل آغلار.

ترک ائیله دیم وطنیمی، ائلیمی، الیمدن آلدیلار قونچا گولومو، اونونچون قوربته سالدیم یولومو، اوبا آغلار، وطن آغلار، ائل آغلار.

اؤردک کیمی اوچدوم گؤلدن-گؤللره،

جئیران کیمی قاچدیم چؤلدن-چؤللره،  

سؤز تامام اولدو. هامی کرمه آفرین دئدی. صوفی ییغیلانلاردان کئشیشی خبر الدی، دئدیلر: - آختاردیغینیز کئشیش تیفلیسده اولور. کرم اورادان قالخیب، بیر باش تیفلیسه گلمکده اولسون، ائشیت کئشیشدن. کئشیش گنجهدن چیخیب، اوبالاری، اؤلکه لری دولانا-دولانا گلیب چاتمیشدی تیفلیسه. بورانین کنیازی نین یانینا گلیب دئدی: - من قیزیمی بیر موسلمان اوغلونون الیندن گؤتوروب قاچمیشام. ایذن وئر، سنین اؤلکهنده یاشاییم. کنیاز کئشیشه بیر ائو وئردی. کئشیش کؤچ-کولفتینن بورادا قالماقدا اولدو. ایندی ائشیت کرمدن. کرم گلیب لاپ شهرین کنارینا چاتدی، گؤردو کی، بیر دسته جاوان اوغلان یاشیل چمنگاهدا چالیب، اوخویور، اویناییر. بونلار کرمی گؤرن کیمی اطرافینی آلدیلار. - آشیق، گل بیزیم اوچون بیر آغیز اوخو. نه قدر پول ایسته سن وئرریک. کرم دئدی: - اوخوماغینا اوخویارام، آنجاق بیز پول آشیغی دئییلیک. اگر منه کؤمک ائلمک ایسته ییرسینیزسه سوروشدوغوما جاواب وئرین. کرم آلدی، گؤرک نه دئدی:

ائی آغالار، گلین سیزه سؤیلگیم، ایتیردیم اصلیمی، گؤرن اولمادی. پروانه لر کیمی آلیشدیم، یاندیم، من تک بو چؤللرده قالان اولمادی.

کیم گؤرموشدو فرهاد ایله شیرینی، اولار دا سئودیلر بیری-بیرینی، اتدی کولونگونو، یاردی سرینی، فرهاد کیمی یارچون اؤلن اولمادی.

خورشید اؤز ماهی نین دیزینه یاتدی، قنبر آرزوسونون توزونا باتدی، دونیادا شاهسنم مورادا چاتدی. اشیق قریب کیمی گولن اولمادی.

اغ قوواق قیزیورو بیی نین دنگی، شاه ایسماییلین یاری عرب زنگی، لئیلا دا بیر زامان مجنونون دنگی اونلارا دا ایمداد اولان اولمادی

کرم دئیر: داغ دؤشونده اوتوردوم، دردیم اللی ایکن یوزه یئتیردیم، لوغمان حکیم کیمی سرراه گتیردیم، منیم دردلریمی بیلن اولمادی.

هامی یئربیئردن کرمی آلقیشلادیلار. صوفی بونلاردان دا کئشیشی خبر آلدی، دئدیلر: - آشیق، بیزه بیر مزه لی داستان سؤیله. ائله داستان اولسون کی، اصلی اولماسین، یالاندان دوزلسین. سونرا کئشیشین یئرینی سنه دئیک. کرم آلیب، گؤرک نه دئدی: گزه-گزه بیر میلچه یه توش اولدوم، خنجر ایله توتوب کسدیم باشینی.

گوجوم چاتمادی کی، چکیب آپارام، یئددی داغین اوسته سردیم لئشینی.

میلچک ویزیلدادی، اوچدو هاوایا، یاغین سوزدوم اوچ یوز آلتمیش تاوایا، یوکله دیم اتینی دوخسان دوه یه، خودکار اوچون گؤندردیم من لئشینی.

الیب اونو بیر مئیدانا آتدیلار، اتین یوز مین تومن دئییب، ساتدیلار، سوموکلرین ییغیب، کؤرپو چاتدیلار، حساب ائتدیک، ایکی مین ایل یاشینی.

اؤلچوب گؤردوم یئددی قاریش دیزی وار، اوتوز خیرماندان دا بؤیوک گؤزو وار، دریسینده یئددی قاریش توزو وار، حسابلاماق اولمور اونون دیشینی.

دریسیندن چادیر قوروب اوتوردوق، اتین کسیب، اون کوچه یه یئتیردیک. ایسفاهاندان بیر مینخور گتیردیک، اچیبان آغزینی، سایدی دیشینی.

دیرناقلارین قیریب، تؤکدوم درییه، بودلارینی ییغدیق اللی کیسه یه، قانادینی یئلکن چکدیک گمییه، فیل بورنوندان اوزون گؤردوم قاشینی.

من گؤرورم قارانلیقدا گله نی، گلیبه نی شیرین سانیم آلانی، دردلی کرم سؤیلر بئله یالانی، بئله گؤردوم گؤزللرین ایشینی.

کئشیشین تیفلیسده

توپلاشانلار کرمه آفرین سؤیله دیلر، کئشیشین تیفلیسده اولدوغونو اونا خبر وئردیلر. کرمگیل جامااتلا خوداحافیظ لشیب، یولا دوشدولر. آز گئتدیلر، چوخ گئتدیلر، کور چایی نین کنارینا چیخدیلار. کرم باخدی کی، ایکی گؤزل کور چایی نین کناریندا سیاحت ائدیر. کرم سازی سینه سینه میندیردی، گؤرک بو ایکی گؤزله نه دئدی:

جیلولنه- جیلولنه 

نه گئدیرسیز قوشا، دیلبر؟! تانری آیریلیق وئرمه سین هاواداکی قوشا، دیلبر!

خوشلادیم خسیات، حالینی، اغ اوزده قارا خالینی، گؤرنده گول جامالینی، کؤنول گلدی جوشا، دیلبر!

سئودیم سن کیمی سونانی، قافیل اوخلادین سینه می، گؤزلرین قانلی حارامی، قاداغا وئر قاشا، دیلبر!

بیر اوخ آتدیم زرنیشانا، او دا گئتدی پریشانا، دئدیم بلکه بیر یومشانا، باغری دؤنموش داشا، دیلبر!

حئیرانییام اصلی خانین، کرم ده اولسون قوربانین سنین بو دلی دؤورانین، وارماز هرگیز باشا، دیلبر! کرم سؤزونو تاماما یئتیریب، قیزلاردان آیریلدی. تیفلیس بؤیوک، بونلار نابلد. آز گزدیلر، چوخ گزدیلر، گلیب بیر قهوخانایا چاتدیلار. قهوخانادا

اولانلار اوندان خواهیش ائله دیلر کی، گورجوستانی تعریف ائلسین. کرم اونلارین سؤزونو یئره سالماییب، آلدی گؤرک نه دئدی: سئیر ائله دیم گورجوستانین ائلینی، ائللری وار-بیزیم ائله بنزه مز. بارلی باغچالاری، قارلی داغلاری، گوللری وار-بیزیم گوله بنزه مز. عالیملری یازی یازار، معنادی، گوللری وار-مین دردلره داعوادی، گؤزللری، محبوبلاری اعلادی، ماللاری وار-بیزیم مالا بنزه مز. باشلارینا کئچه پاپاق قویاللار، چاغیراندا «مودی، مودی» دئیللر، گلین، قیزلار آل-یاشیلی گئیللر، دیللری وار-بیزیم دیله بنزه مز.

جوشقون-جوشقون چایلارینی کئچمیشم،  

بلی، اورادان-بورادان بیر قدر چالیب اوخویاننان سونرا، ائله کی، گئجه آرالیغا گلدی، مجلیس داغیلدی، چایچی کرمدن خبر آلدی: - آشیق طایفاسی گزری اولار. دئیین گؤروم، هارادان گلیب، هارایا گئتمک ایسته ییرسینیز؟ صوفی دئدی: - بیز سنین بیلدیگین آشیقلاردان دئییلیک. بو آشیق ضیاد خانین اوغلودو. آتاسی نین وزیری قارا کئشیشین(قاراملیکین) قیزینا عاشیق اولوب. کئشیش ده قیزینی گؤتوروب قاچیب. ایندی بیز دییار- قوربته دوشوب، کئشیشی آختاریریق. چایچی دئدی: - سیز آختاردیغینیز کئشیش کوفلتیینن بیزیم قونشولوغوموزدا اولور.

کرم چایچیدان بو خبری ائشیدنده چوخ شاد اولدو. آیاغا قالخدی کی، او ساعات گئدیب اصلینی گؤرسون، آنجاق گئجه اولدوغونا گؤره صوفی گیل اونو قویمادیلار. چایچی اونلارا یئر سالدی. صوفی یئره گیرن کیمی یوخویا کئچدی. آما کرم یاتا بیلمه دی. ائله بیل کی، یورغان-دؤشگینه بیره دولدورموشدولار. سحره کیمی گؤزلرینه چیمیر ده گلمه دی. ائله کی، سحر آچیلدی، صوفینی دومسومله ییب دئدی: - صوفی له له، سحردی، دور! بلی، هر ایکیسی دوروب شهره چیخدیلار. چایچی نین وئردیگی سالیق ایله گلیب کئشیشین ائوینی تاپدیلار. صوفی کئشیشین قاپیسینی دؤیدو. کئشیش قاپینی آچدی. کرمی گؤرن کیمی دیل-دوداغی قورودو. صوفی دئدی: - کئشیش، سن اؤزون بیلیرسن کی، کرم سنین قیزینا، قیزین دا کرمه آشیقدی. گل سن بیزی چوخ اینجیتمه، اصلینی وئر کرمه. کئشیش اول ایسته دی چیغیر-باغیر سالسین. گؤردو کی، های-کوی سالسا یاخشی اولمایاجاق، یوموشاقلیقنان دئدی: - صوفی، ائله دیگیم ایشه من اؤزوم ده پئشیمان اولموشام. بیر ایشدی دوشوب. گلین ایچری. من قیزیمی وئردیم کرمه. آنجاق بو گون بیزده قالین، سحر تئزدن ائله بورادا تویو ائلریک، قیزی آپارارسیز. کئشیش قولونو کرمین بوینونا سالیب، اوزوندن اؤپدو. اونلارا بیر اوتاق وئریب

راحاتلادی. اؤزو ائودن چیخیب، شهرین باش کئشیشی نین یانینا مصلحته گلدی. باش کئشیش 

ساللانا-ساللانا چیخدی قارشیما، بویو سرو، یاناقلاری آل اصلی! هوریده، ملکده تایی تاپیلماز، دیلی شکر، دوداقلاری بال اصلی! وسمه نی چگیبدی قلم قاشینا، اغ ایپک چالمانی سالیب باشینا. سینه بنزر آهو، جئیران دؤشونه، اچ قوللارین، گل بوینوما سال، اصلی!

کرم دئیر، یوز ایل سنه قول اولوم، ایذن وئر قاپیندا رنسبر دوروم، قیسمت اولسون سندن مورادیم آلیم، سن ده مننن مورادینی آل، اصلی! ایکی هسرت بیر-بیرینه سارماشدیلار. اصلی اؤز باشینا گلنلری کرمه، کرم ده اؤز باشینا گلنلری اصلییه دانیشدی. ائله کی، سؤز گلدی قارا کئشیشین بو گون کرمه وئردیگی و`ده یه، اصلی باشلادی آغلاماغا. کرم اوننان سوروشدو: - بس نه اوچون آغلاییرسان؟ اصلی دئدی: - کرم سان، آتام سنی آلدادیر. او منی سنه وئرن دئییل. قورخوم بودو، او بو گئجه منی بوردان قاچیردا. کرم دئدی: - یوخ، اصلی، او داها وئردیگی بو سؤزدن قالماز. هر ایکی هسرتکئش گؤروشوب، بیر-بیریندن آیریلدیلار. کرم ایله صوفی اورکلری ارخایین گئجه نی یاتماقدا اولسونلار، سنه دئییم نامرد کئشیشدن. کئشیش گئجه نی آرایا سالیب، کؤچ-کولفتینی ییغیشدیردی، ارضروما یولا دوشدو. یازیق اصلی نه قدر وورنوخدوسا، نه کئشیشین قورخوسوندان داد-فریاد ائله یه بیلدی، نه ده کرمه خبر چاتدیرا بیلدی. سحر آچیلدی. کرمله صوفی گؤردولر کی، له له کؤچوب، یوردو بوش، کئشیش یئنه ده قاچیب. کرمین اورگی قوبار ائله دی، آلدی سازی، گؤرک نه دئدی:

دولانسین اَییامین، دؤنسون دؤورانین، قویمادین یئتیشیم مورادا، فلک! قوروماز گؤز یاشیم، آچیلماز کؤنلوم. دوشموسن منینن عینادا، فلک! صبرینه سیز باخین چرخی-قههارین، ظولمونو آرتیردی من دیل-افکارین. صفاسین من چکدیم گول اوزلو یارین. اخیر نصیب ائتدین خوریادا فلک! الیمدن آلمیسان هوری، ملگیم،

عشق اودونا یاندیرمیسان اورگیم. اخیردا سنینله دوشر گیلئییم، تؤکولر ناهاق قان آرادا، فلک. کرم دئیر: یارسیز بوردا نئیلرم، عبثدی کیم بو سؤزلری سؤیلرم، محشرده الیننن شوکوه ائیلرم، اونسوز دئییل، یئتر ایمدادا، فلک! سؤز تاماما یئتدی. صوفی دئدی: - کرم، آغلاماقدان بیر شئی چیخماز. دور، گئدک، خورسونلاریمیزی گؤتورک، کئشیشین دالینسا یوللاناق. دوروب بیر باش دوشدوکلری قهوخانایا گلدیلر. ساماات اونلاری بئله گؤروب، سببینی سوروشدو. صوفی کئشیشین اونلاری نئجه آلدادیب قاچدیغیننان دانیشدی. کرمین دردی تزلندی، آلدی، دئدی: بیر اود دوشدو، اورگیمی تئیله دی، اود توتوبان سیسمیم، یاندیم، آغلارام.

زالیم کئشیش یئنه حیلهائیله دی، 

- سن گل قال بیزیم بو یئرلرده. سنه بیندیگین قیزی آلاق، تویونو ائلیک. او قیزدا نه گؤروبسن کی، ال سمه بیلمیرسن؟ کرم سازی دؤشونه باسیب دئدی: اصلیم گئتدی گورجوستانین ائلیننن منیم بوردا قالیشیما نه دئرسیز؟ ایکی دیللی هرسایی نین الیننن سارالیبان سولوشوما نه دئرسیز؟ بایرام گله، خینا یاخام دستیمه، سالام وئرم یارانیما، دوستوما؛ خسته اولسام، اصلی گلمز اوستومه، قریب-قریب اؤلوشومه نه دئرسیز؟ مسنون لئیلا اوچون چکدی صفانی، قریب شاهسنمله سوردو صفانی، اراییب دا تاپدیم من بیوفانی، ایندی ده آیریلیشیما نه دئرسیز؟ بیر زولفونه آسیلاییم دار دئیه، قونما گوله ساریلاییم خار دئیه، منیم بوردا توتی دیللیم وار دئیه، گئدیب-گئدیب گلیشیمه نه دئرسیز؟ سحر ایله ایکیندی نین آراسی، الدی منی قاشلاری نین قاراسی، کیمسه بیلمز ندی دردیم چاراسی، ملول-ملول باخیشیما نه دئرسیز؟ من کرمم، کرملیگیم بیلدیردیم، دوستو آغلادیب، دوشمنیمی گولدوردوم، اوزون بویلو، خان اصلیمی آلدیردیم، ارسیز-آرسیز گولوشومه نه دئرسیز؟

سؤز تامام اولدو. کرم سازلا، سؤزله دئدیگی کیمی دیلله ده دئدی کی: - ساغ اولون، قارداشلار! آنساق من اؤز اصلیمی تاپمالییام. صوفی خورسونو گؤتوردو، سامااتلا حالال-هوممت ائله ییب یولا دوشدولر. شهردن چیخیب بیر آز گئتمیشدیلر کی، گورجوستانین اَیری-اویرو سیغیرلاری، یوللاری باشلاندی. کرم دئدی: - صوفی، دایان، خان اصلیمی بو یوللاردان خبر آلیم. صوفی دایاندی، کرم آلیب سازینی گؤرک اصلی خانی یوللاردان نئجه خبر آلدی. ایریم-اویروم گئدن یوللار، یوللار، اصلیمی گؤردوزمو؟ دوشموشم یاریم ایزینه، ایزلر، اصلیمی گؤردوزمو؟ اینینه گئییبدی سایا، یانیندا وار بیر سوت مایا، سننن خبر آلیم، قایا، قایا، اصلیمی گؤردوزمو؟ اصلیمین کئچدیگی یوردلار، کرمین چکدیگی دردلر، قویونلاری یئین قوردلار، قوردلار، اصلیمی گؤردوزمو؟ از گئتدیلر، اوز گئتدیلر، دره، تپه دوز گئتدیلر، گونلرین بیرینده بیر اوسا داغین اتگینه چیخدیلار. باخدیلار کی، بو داغین باشی قار، اتکلری ایسه چمنلیک، باغ- باغچادی. تزسه داغین گه دیگیندن آشماق ایسته ییردیلر، دومان، چن بونلاری ائله قاپلادی کی، یولو ایتیردیلر، بیلمه دیلر هارا گئتسینلر. کرم گؤردو چووغون بونلاری اؤلدورسک، دئدی: - آماندی، صوفی قارداش، منیم سازیمی وئر. بورا دا اؤلوب، قورد-قوشا یئم اولاساغیق. یاریما چاتمایاساغام. صوفی سازی وئردی. آلدی کرم، گؤرک نه دئدی:

سنه دئییم، سولتان داغی، نه دوماندی باشین سنین؟!. چیسکین تؤکر، دومان چؤکر، هئچ گئتمزمی قیشین سنین؟! دؤرد بیر یاننان بسط اولموسان، درده می تک مست اولموسان؟! سومله داغدان اوست اولموسان، نه اوسادی باشین سنین؟! اسکیک اولماز قارین، یاغار، بولودلار بیر-بیرین قووار، صاباح گونش سنه دوغار، سواهیردی داشین سنین. الت یانین باغ ایله بوستان، او بیر یانین گول-گولوستان، اییردیلار منی دوستدان، اؤتر قریب قوشون سنین. کرم دئیر: اؤلدوم، ایتدیر، بو فانی دونیادان گئتدیم؛ قوجالاردان سوال ائتدیم، کیمسه بیلمز یاشین سنین. کرم سؤزونو تاماما یئتیردی. داغین باشینداکی دومان چکیلیب گئتدی، چووغون یاتدی. کرمگیل یولا داعوام ائدیب، دره لردن سئل کیمی، تپه لردن یئل کیمی گئدیب، بیر چوبانا راست اولدولار. کرم چوباننان سوروشدو: - بوردان بیر کئشیش کئچدیمی؟ چوبان دئدی: - آشیق، هامان کئشیش خوب ویلایتینه طرف گئتمگین بیناسین قویدو. کرم باخدی کی، اؤز داغلاری اوزاقدان گؤرونور، اورگی قوبار ائله دی، آلدی، گؤرک نه دئدی:

گلیب باهار، یاز آیلاری، سولار آخار ایندن بئله. هر طرفدن توتی، قومرو سوشور، اوخور ایندن بئله. بولبول اؤتر حزین-حزین، سننته بنزر ایلک یازین، بنؤوشه، چیچک یئر اوزون الوان ائلر ایندن بئله. اغاسلار گئیر دونونو، حاقا چئویرر یؤنونو، دردلی کرم وطنینی انار، سیزلار ایندن بئله. سؤز تاماما یئتدی. کرمگیل یولا دوشدولر. گئجه-گوندوز یول گئتدیلر. بیر سای کنارینا چاتدیلار، گؤردولر قیز-گلینلر پالتار یویورلار. بونلارین ایچریسینده بیر گؤزل گلین وار، گون کیمی ایشیق وئریر. کرمین عشقی سؤوشه گلدی، آلدی، گؤرک گلینه نه دئدی: گئدریکن بیر گلینه توش اولدوم، یولچونو یولوننان ائیلر بو گلین. گؤرسک، نیقابینی آتدی اوزوننن، یولچونو یولوننان ائیلر بو گلین. منیم اصلیم سننتده کیهوریدی، بیر آه چکسم داغی، داشی اریدی؛ گؤزللیکده هوری، ملک، پریدی، یولچونو یولوننان ائیلر بو گلین. بیر آه چکسم داغلار، داشلار ارییر، ندی بو سنده کیاو سییاه تئللر،

خینالی بارماقلار، او نازیک اللر، یولچونو یولوننان ائیلر بو گلین. کرم چکر یار اوسوندان ظیلتی، بیوفا دوست هئچ ائیله مز موروتی، اوزون گؤرن نئیلر دونیا لذتی؟ یولچونو یولوننان ائیلر بو گلین. بنزر اصلیم سننتده کیهورییه، اه چکنده داغلار، داشلار ارییه، دردلی کرم بو یوللاردا چورویه، یولچونو یولوننان ائیلر بو گلین. کئشیشی قیز-گلینلردن سوروشدولار. قیزلار کئشیشین کؤچ-کوفلتله چایدان کئچیب گئتدیگینی اونا خبر وئردیلر. کرم آیریلیب گئتمه یه باشلادی. از گئتمیشدیلر، چوخ گئتمیشدیلر. کرمین حالی دییشیلدی، اورگی دؤیونمه یه باشلادی، گؤزلری قارالدی. اورگینده دئدی: " اصلیمه چاتمایاساغام، اؤلوب، قوربت ائللرده قالاساغام " . آلدی، حالینا موناسیب گؤرک نه دئدی: حالدان حالا دوشن ویران کؤنلومون هر مهله سینده بیر ساهان اَیلشمیش. گاه شاه، گدا اولور، گاه دانا، نادان، گاه هر مهله سینده زیندان اَیلشمیش بیر محلله سینده یئددیلر، بئشلر، بیر محلله سینده بعضیرگان ایشلر، بیر محلله سینده دوققوز درویشلر، بیر محلله سینده پیران اَیلشمیش. بیر محلله سینده سانان سان ائیلر، بیر محلله سینده گول فغان ائیلر، بیر محلله سینده بولبول قان ائیلر، بیر محلله سینده گولشن اَیلشمیش.

لینک های طلایی :

بیر محلله سینده جمالین گؤرم، بیر محلله سینده گوللرین درم، بیر محلله سینده بیچاره کرم، بیر محلله سینده جانان اَیلشمیش.

سؤز تاماما یئتدی. یولا دوشوب، گئجه نی گوندوزه قاتیب، باللیسایا گلدیلر. اونلارین یانینا چوخ آدام توپلاندی. صوفی آداملاردان کئشیشی سوروشدو. بیر نفر دئدی: - آی جانیم، سیزه نه اولوب کی، بیر قیزین دالینا دوشوبسونوز؟ مگر دونیادا قیز یوخدو؟ او اولماسین، باشقاسی اولسون. الدی کرم، دئدی:

ای آغالار، خان اصلیمدن آیریلدیم، منی اؤلدورمه لی، دؤیمه لی دئیین! گئجه-گوندوز آه ائدیبن یانارام، منی اؤلدورمه لی، دؤیمه لی دئیین!

بیرسه دفعه خاطیرینی سورمادیم، کئچدی عؤمروم، مورادینا ایرمه دیم، فورصت الده ایکن دملر سورمه دیم، منی اؤلدورمه لی، دؤیمه لی دئیین!

الیمنن آلدیردیم گؤزو آلانی، اونون اوچون ترک ائیله دیم سیله نی، باشیما سالمیشام بونسا بلانی، منی اؤلدورمه لی، دؤیمه لی دئیین!

من کرمم، عشق باده سین ایچیردیم، بو سئودانی اؤز باشیمدان کئچیردیم، هاییف کی، اصلیمی الدن اوچوردوم، منی اؤلدورمه لی، دؤیمه لی دئیین!

کرم سؤزونو تاماما یئتیردی. باخدیلار کی، بو دوغرودان حاق آشیغیدی. کئشیشگیلین گئتدیگی یولو اونلارا گؤستردیلر. کرمگیل گئجه نی اورادا قالیب، سحر تئزدن یولا دوشدولر. بیر آز گئتمیشدیلر، سرین بیر مئه باشلادی. مئه قاباق طرفدن اسیردی. لاپ اونلارین اوزونه ووروردو. کرم دئدی: - صوفی، دایان، من خان اصلیمی بو بادی-صبادن خبر آلاساغام. سازی کؤینگیندن چیخاریب، باسدی باغرینا، دئدی: ایلنمیر کی، یاردان خبر سوراییم، اسیب-اسیب گئدن بادی-صبا هئی!.. قیریلسین بایسین قولو، قانادی، هئچ کیمسه دوشمه سین یاردان سیدا هئی!.. یودوم دولبندیمی، بیاض ائیله دیم، سیلدیم کؤنول پاسین، آیاز ائیله دیم، من قانلی فله یه نییاز ائیله دیم، فلک منه وئردی چوخلو صفا هئی!.. دورمایوبان آخیر چئشمیمین یاشی، اخدیغی یئرلرده اریدیر داشی، بئله ایمیش قانلی فلگین ایشی، نه شاه بیلیر، نه خان، نه ده گدا هئی!.. من کرمم، خوریاتلارا تای اولدوم، بیوفا یار سئودیم، عجببای اولدوم، عؤمور اوزدوم، گون چوروتدوم، زای اولدوم، منی بوشالتدیلار قابدان قابا هئی!.. بیر آز اوتوردولار. دینجلرینی آلیب، یورغونلوقلارینی چیخارتدیقدان سونرا دوروب گئتمگین بیناسینا قویدولار. آز گئتدیلر، چوخ گئتدیلر، بیر شهر خارابالیغینا چیخدیلار. کرم دایانیب دئدی:

- صوفی له له، بیر زامان واریمیش کی، بو شهرده آداملار دؤوران سورورموش. دایان، سوروشوم، گؤروم بو شهر نییه خارابا قالیب؟ آداملاری نئجه اولوب؟ الدی کرم گؤرک خارابا شهره نه دئدی:

سیاح اولوب بو عالمی گزرکن راست گلمیشم بو ویرانین داشینا. سؤیله ویران، نه زاماننان بریسن؟ نه گلمیشدی، نه گلسک باشینا؟

کرمین سؤزلریندن ویران دیله گلیب دئدی: حضرت نوهون زامانیننان برییم، امر-هاقلا نه لر گلدی باشیما... باشیما گله نی سؤیلگیم سنه گؤر نه زهر قاتیلیبدی آشیما. الدی کرم: کیم ائشیتسه سنین آه ایله زارین، ترک ائلیر الده اولانین، وارین، نؤچون خاراب اولدو چارسی-بازارین، عاغیل ایرمز او خودانین ایشینه. الدی ویران: اوچ یوز آلتمیش چئشمه لریم آخاردی، گؤزللریم سئیرگاها چیخاردی، خانیملاریم ل`لو گؤوهر تاخاردی، باخمازمیسان خان یئرینده داشیما. الدی کرم:

دردلی کرم سنه ویران سؤیله دی، سؤیله، یگیدلرین فلک نئیله دی؟ کیملر گلیب سنی ویران ائیله دی؟ فلک نییه داشین سالدی باشینا؟

الدی ویران:

چوخلو یگیدلریم واردی بورادا، کیمی ساز چالاردی، گزیب اورادا، ایندی ویران اولوب، قالدیم آرادا، ویرانام، اونلاری چکدیم دؤشومه.

کرم سؤزونو-تامام ائله ییب، گئتمگین بیناسین قویدو. گئدیب، گئدیب، اخشام چاغی چالوبا دئییلن بیر یئره چیخدیلار. کرم هر جور آغاجدان، گولنن دولو، لاله زار بیر باغا گیردی. باغین ایچینده بیر دسته قیز چالیب، اوخویوب، اویناییردی. کرم بو قیزلارین ایچینده -اصلییه بنزر بیر قیز گؤردو، دئدی: - صوفی، دایان بیر قاتار سؤز دئییم، بو قیز منیم خان اصلیمه بنزه ییر. کرم اورگی دمیرچی کوره سی کیمی آلیشیب یانا-یانا بو قیزا دئدی:

گؤزللر چیخیبلار سئیره، بیریسی اصلیمه بنزر. ال گئییبن ساللانیشی، یئریشی اصلیمه بنزر.

کرم بئله دئینده هامان قیز قولاج ساچلارینی سینه سازی ائله ییب، گؤرک کرمین بو سؤزونون موقابیلینده نه دئدی:

اوزاق ائلدن گلن، آشیق، سنین اصلین من دئییلم، چوخون درده سالان، آشیق، سنین اصلین من دئییلم. الدی کرم:

عشقین باده سینی ایچدیم، بولانیق چایلاردان کئچدیم، بیر قیز گؤردوم، درده دوشدوم. دوروشو اصلیمه بنزر.

الدی قیز:

سؤزونو قانمیشام ازل، باغیما دیمه ییب خزل، هاییستانا گئتدی گؤزل، سنین اصلین من دئییلم.

الدی کرم: منه موشتاق قوربت ائللر،

گؤز یاشیمی کیملر سیلر؟

کرم آغلار، رقیب گولر،

گولوشو اصلیمه بنزر.

الدی قیز:

سنین آختاردیغین اصلی،

قارا قاشلی، قارا گؤزلو،

منیم آدیم خانیمنازدی،

سنین اصلین من دئییلم.

سؤز تامام اولدو، کرم کئشیشی اوندان خبر آلدی قیز دئدی:

- سنین آختاردیغین کئشیش بو گون کؤچ-کولفتینن بورادان کؤچوب، گونچیخان طرفه گئتدی.

کرم بو سؤزو قیزدان ائشیدن کیمی سازی سینه سینه باسیب، گؤرک صوفییه نه دئدی:

دورما، گئدک، صوفی له له، یئنه اصلیم کؤچ ائیله ییب. قان آغلارام بوننان بئله یئنه اصلیم کؤچ ائیله ییب. اصلیم ائلیندن کؤچوبدو، المالی داغدان کئچیبدی، داشبولاخدان سو ایچیبدی، یئنه اصلیم کؤچ ائیله ییب. یاردان منه یارا دیمیش، هئچ دوزلمز بو موشکول ایش، اونلا بئله قارا کئشیش، یئنه اصلیم کؤچ ائیله ییب. صوفی، گل ائیله سؤیله مه، باغریمین باشین تئیله مه، گئدیرم، یولدان ائیله مه، یئنه اصلیم کؤچ ائیله ییب. قارشیمیزدا قارلی داغلار، کؤنول محبتی چاغلار، اصلی کؤچوب، کرم آغلار، یئنه اصلیم کؤچ ائیله ییب.

کرمگیل اورادان دا قالخیب، بیر نئجه گون یول گلدیکدن سونرا گلیب بیر کنده چیخدیلار. باخدیلار کی، بورادا توی وار. کرمین رنگی گول یارپاغی کیمی سولدو. صوفی خبر آلدی: - کرم، سنه نه اولدو؟ کرم دئدی: - زالیم کئشیش اصلینی اره وئریب، بو توی دا اونون تویودو. صوفی دئدی: - گل دالیمجان، آللاه کریمدی.

صوفی کرمی توی مجلیسینه آپاردی. مجلیس کرمی کئچیردی یوخاری باشا. خؤرک یئیننن سونرا دئدیلر: - آشیق، بیر آز اوخو، اورگیمیز آچیلسین. کرم سازینی الینه آلدی، آیاغا قالخیب چالماق ایسته ینده گؤزو او بیری اوتاغا ساتاشدی، گؤردو بیر گلین اوتوروب تاخت اوسته، قیزلار دا اونا زینت وئریر، یقین ائله دی کی، بو اصلیدی. دئدی:

چیخار تاختا، دیوان ائیلر،

اصلی، قاشلارین، گؤزلرین.

گؤزومدن قان روان ائیلر،

اصلی، قاشلارین، گؤزلرین.

شاه گیمی مطلب بیتیرر

حؤکمون یئرینه یئتیرر،

دیلسیزی دیله گتیرر،

اصلی، قاشلارین، گؤزلرین.

فیرقتین منی یاندیرار،

داغی، داشی دولاندیرار.

قاپی-قاپی دیلندیرر،

اصلی، قاشلارین، گؤزلرین.

هاوادا شاهینه بنزر

یئرده کیلاچینا بنزر،

گؤیده گؤیرچینه بنزر،

اصلی، قاشلارین، گؤزلرین.

گاه آغلادار، گاه گولدورر،

گاه گؤزللیگین بیلدیرر؛

اخیر کرمی اؤلدورر،

اصلی، داشلارین، گؤزلرین.

سؤز تاماما یئتدی. هامی کرمین بو خوش آوازینا احسن سؤیله دی. بیر نفر کرمه دئدی:

- ائی آشیق، گل قال بیزیم ائلده، آشیقلیق ائله، ائو-ائشیک صاحیبی اول. بیزیم ائللر قریب سئوندی. کرم بئله ائشیدنده دئدی: - آغالار، قولاق آسین، بیر قاتار دا سؤزوم وار، دئییم. دئدیلر:

- بویور! کرم دئدی:

تک بیرجه یاریمی منه وئرسه لر، بو فانی دونیادا مالی نئیلرم؟ بیر ایمداد اولورسا مؤولادان اولسون، غئیری نین وئردیگی مالی نئیلرم؟

اوجا داغ باشیندا ترلانلار سوزر، گؤللرده یاشیلباش زونالار اوزر، اصلینین یاناغین بیر سوت خال بزر، غئیری نین وئردیگی خالی نئیلرم؟

کرم دئیر: من نه ایدیم، نه اولدوم. اصلیمین عشقیندن سارالدیم، سولدوم، سیسمیم توک گتیردی، مسنونا دؤندوم، اصلیسیز من ساه-سلالی نئیلرم؟

سؤز تامام اولدو. کرمین دئدیگیننن مجلیس اهلی بیر شئی باشا دوشمه دی. صوفی ایشی بئله گؤرنده دئدی: - قارداشلار، بو ضیاد خانین اوغلودو. اؤز وزیرلری قارا کئشیشین قیزینا آشیق اولوب. قیز دا بونا آشیقدی. کئشیش قیزینی بونا وئرمک ایستمه ییب، گؤتوروب قاچیب. بیزه دئدیلر کی، کئشیش بورادا اولور. بیز ده بورایا گلمیشیک. کرم ائله بیلدی کی، توی اونون سؤوگولوسونون تویودو. تویبگی دئدی:

- آشیق، بو باشقا آدامین تویودو. سنین آختاردیغین کئشیش دونن بورادان کئچیب گئتدی. کرمله صوفی گئجه نی بورادا قالیب، سحر تئزدن دوروب یولا دوشدولر. اونلار گئتمکده اولسونلار، بو طرفدن گؤیده بیر قاتار دورنا گؤروندو. کرم آلدی سازینی، گؤرک دورنالارا نه دئدی:

دورنا، گئدرسیز هارایا، مننن یارا سالام دئیین! گؤرسز اگر بوتام آغلار، دؤنوب یارا سالام دئیین! یولونوز گئدیر آغداشا، قارلی داغلار آشا-آشا، هم قوهوما، هم قارداشا، هم دییارا سالام دئیین! دورنا، تئلین شانا-شانا، هم او یانا، هم بو یانا؛ الین سیزه بیر نیشانا وئریم، یارا سالام دئیین! داد سئیراغیبین الیننن، اشیق داغلارین بئلیننن، دردلی کرمین دیلیننن، دورنام، یارا سالام دئیین! کرم سؤزونو موختصر ائیله دی، یولا داعوام ائله دیلر. بیر مودت یول گئدیب، بیر اوبایا چاتدیلار. کرم اوبانین کناریندا بیر گؤزل قیز گؤردو. بو قیز او قدر گؤزل ایدی کی، گون کیمی هر طرفه ایشیق سالیردی. قیز کئچیب گئتدی. بیر دسته آهیل-ساهیل کرمین اطرافینا توپلاندی. کرم سازی سینه سینه باسیب دئدی: سیزین ائلده من بیر گؤزل گؤرموشم، یوخو دوشوب گورجوستانین ائلینه.

بولبول کیمی شیرین-شیرین دانیشیر، بال تؤکولور دهانیندان دیلینه. قدیر مؤولام وئریب خوب سامالینی، اونو سئون نئینر دونیا مالینی، قورشاییب کمرله اینجه بئلینی، بویو بنزر اوسا سروین دالینا. کرم دئیر منیم یاریم اینجه دی، دوداقلاری یاری آچمیش قونچادی، سونبول تئلی توپوغوندان اوجادی، بیر تئلین وئرمرم دونیا مالینا. اینجیدی، میرواری، صدف دیشلری؛ قودرتدن چکیلیب کامان قاشلاری، دال گردنده قولاج-قولاج ساچلاری سارماشیر، دولانیر اینجه بئلینه. من کرمم، گئجه قیللام زاریمی، حاق جانیم آلماسین، چکیم چؤرینی، یوخاریدان خبر آلدیم یاریمی، دئدیلر کؤچوبدو بایان ائلینه. کرم سؤزو تامام ائله دی. صوفی آداملاردان کئشیشی خبر آلدی. جاوانلار کئشیشین قارصا گئتدیگینی اونا خبر وئردیلر. کرم یولا روان اولوب، قارصا طرف گئتمگین بیناسینی قویدو. یولدا یئنه-گؤردولر بیر قاتار دا دورنا گئدیر. کرم صوفییه دئدی: - صوفی له له، قوی بو دورنالاردان دا بیر سؤز سوروشوم. الدی کرم، گؤرک دورنالارا نه دئدی: گؤی اوزونده بؤلوک-بؤلوک دورنالار، ندی سیزین احوالینیز، حالینیز؟ بیر عرضی-حال یازیم، یارا یئتیرین،

دوست یانینا دوشر ایسه یولونوز. گؤیده شاهین، شونقار، گؤروب چاشارسیز، اول اوجا داغلاری نه جور آشارسیز؟ اووچو گؤرن کیمی قاناد آچارسیز، قیشدا قاراماندی سیزین ائلینیز. دردلی کرم دئیر: اوغرادیم درده،

جانیم قوربان اولسون مرد اوغلو مرده،  

یازیق دورنا، نه گزرسن بو یئرده؟ یوخمو سیزین وطنینیز، ائلینیز؟ از گئتدیلر، چوخ گئتدیلر، گونلرین بیرینده گئدیب قارص شهرینه چاتدیلار. بورادا بیر قارییا قوناق اولدولار. آداملار هر طرفدن تؤکولوب گلدیلر. قوناغا خوش گلمیسیز دئدیلر، اونلارین احوالینی سوردولار. آلدی کرم، توپلاشانلارین سواللارین بئله جاواب وئردی: هئی آغالار، نئجه اولور حالی یاردان آیریلانین؟ اخیر دوشر قوربت ائله یولو یاردان آیریلانین. قرنفیللر توتماز ایمیش، گول تیکانسیز بیتمز ایمیش، ایشه، گوجه گئتمز ایمیش الی یاردان آیریلانین. شاهینلر گؤیه چکیلیر، دورنالار گؤله تؤکولور، اون بئش یاشیندا بوکولور بئلی یاردان آیریلانین. کرم قوجالار، دئیرلر،

بو یئرده اؤلر، دئیرلر، دینمز، لال اولار دئیرلر- دیلی یاردان آیریلانین. اداملار کرمه دئدیلر: - آشیق، آرزون ندی؟ بیزدن نه خلت ایسته ییرسن؟ کرم دئدی: - من خلت آلان آشیقلاردان دئییلم. سیزه بیر قاتار سؤز اوخویاساغام، کؤنلونوز شاد اولسون. الدی کرم، دئدی: قدیر مؤولام، بودو سندن دیلگیم، بو گلن قیشیمیز باهار، یاز اولا. گونده اوتوز ایکی دؤوران ائیله یه، عکسینه چئوریلیب بوران، تئز اولا. گونده مین تویوغوم یومورتا سالا، یاخشی کاتیب گرک حسابین آلا، مین بیر قارا قارغا گؤیرچین اولا، بیر دام دولو اؤردک ایله قاز اولا. مین سفینم دریالاردا قیشلایا، قیرخ قولونلو مین قیسراغیم کیشنه یه، یانیندا ایکی یوز چوبان ایشله یه، هر بیر سوروسونده مین بئش یوز اولا. دلی کؤنلوم عشق اودونا قالانا، هئی آغالار، سؤزوم یاددا ساخلانا، دوققوز تؤوله آتیم حاضیر باغلانا، بیر-ایکی توولا دا خام یاغیز اولا. دردلی کرم دئیر: دونیانین ایشی، گؤزومنن آخیتدیم هئی قانلی یاشی،

تا بو قدر مالا مالیکسه کیشی، بیر الی ایراندا صافی اوز اولا. صوفی بونلاردان دا کئشیشی سوروشدو. دئدیلر: - کئشیش بورادان کئچیب، بایازیدا گئتدی. کرمله صوفی گئجه نی اورادا قالدیلار، سحر تئزدن یولا دوشوب گئتمه یه باشلادیلار. کرم داغ اتگی ایله گئدیردی. گؤردو بو یئرده او قدر توراس، کهلیک وار کی، او طرفه-بو طرفه اوچوشورلار. بیردن بیره کرمی حالی پریشان اولدو. سازی سینه سینه باسیب، حالینا موناسیب گؤرک نه دئدی: امان فلک، کؤمک ائیله بو گونده، ناگاه یئرده گلدی آلدی درد منی! گئجه-گوندوز اودا یاندیم، آلیشدیم، توتدو، یولوم-یولوم یولدو درد منی! قوربت ائلده اوسا داغلار آشالی، اه ائتدیکسه قارا باغریم دئشه لی، من اصلیمدن آیری دوشدوم، دوشه لی، دلیک-دلیک ائتدی، دلدی درد منی. فلک منیم ایله عیناد ائیله دی قم ایله هیجراندی تؤهفن، سؤیله دی، کسکین قیلیسییلا باغریم تئیله دی، بؤلوک-بؤلوک ائتدی، بؤلدو درد منی. گئجه گوندوز کسمز گؤزومون یاشی، سالدی قانلی فلک باشیما داشی، ارضروم داغیندا کئچیردیم قیشی، اخیر چؤلدن چؤله سالدی درد منی. بیلمم خییالیمدی، یوخسا دوش کیمی، گلدی کئچدی بوران کیمی، قیش کیمی، دردلی کرم یوواسیندا قوش کیمی،

توتدو، یولوم-یولوم یولدو درد منی. سؤز تامام اولدو، یوللارینا داعوام ائدیب، منزیلبمنزیل آخیردا گئدیب، آلتویا چیخدیلار. بورادا دا خبر توتدولار کی، کئشیش بایازیدا گئدیب. بیر قدر چؤرکدن-

زاددان یئییب، بایازیدا طرف گئتمگین بیناسین قویدولار

از گئتدیلر، چوخ گئتدیلر، بایازیدین یانیندان بیر دسته قیزا راست گلدیلر. کرم باخدی، قیزلارین ایچینده بیر قیز وار کی، میثلی، برابری یوخدو. کرمین عاغلی باشیندان چیخدی، آلدی سازی، گؤرک نه دئدی: صوفی لعلم، بو گون بیر گؤزل گؤردوم، قودرتدن چکیلیب قارا قاشلاری. ایسته دیم کی، نازلی یاری دیندیرم، اشیق اؤلدورمکدی، بیلدیم، ایشلری. نه گؤزل بزه نیب کؤنول سوناسی، تاختی-سولئیماندی یارین سینه سی، مین ناز ایله بسله ییبدی آناسی، دال گردنی بورویوبدو ساچلاری. کرم دئیر: دورلو-دورلو حالی وار، یاناغیندا دنه-دنه خالی وار، اغزی شکر، دوداغیندا بالی وار، اینسه صدف دوزولوبدو دیشلری. سؤز تاماما یئتدی. یولا دوشوب بیر منزیل گئتیب بایازیدا چاتدیلار. کرم شهرین کناریندا دایاندی. دؤنوب بیر گلدیگی یولا باخدی، سازی دؤشونه باسیب دئدی: صوفی قارداش، اوچ مملکت کئچیردیک، بیری ایران، بیری توران، بیر گیلان. ایگیدین باشینا اوچ دؤولت قونار، بیری عاغیل، بیری گنسلیک، بیری شان. کئشیشین ائتدیگی بئله ده قالماز،

ایکی محبوب قلبین او سایا سالماز، بو دونیا اوزونده اوچ شئی زای اولماز: بیر یاخشیلیق، بیری ائلم، بیری نان. درد، قم الیندن من ده بئزارام، بو دردلری قلم آلیب یازارام، چوخ یئرلری ایننن سورا گزرم، بیری طیفلیس، بیری بایازید، بیری وان. کاش کی، کرم مورادینا ایریدی، قیسمت اولوب، یارین اوزون گؤریدی، قدیر مؤولام منه اوچ درد وئریدی: بیری آلیش، بیری توتوش، بیری یان. کرم سؤزونو تامام ائله ییب، یول باشلادی. گلیب، گلیب، وان شهرینه چاتدیلار. شهرین کناریندا کرم دایاندی. آداملاردان کئشیشین ارداهانا گئتدیگینی بیلیب، یولا دوشدولر، اوزاق یولو یاخین ائدیب ارداهانا چاتدیلار. اصلی کرمین یادینا دوشدو، آلدی، گؤرک نه دئدی: بیزیم ائلدن سوردوم، بورا گتیردیم، بو داغلاردان آشان بیر سونام تکدی. چیسکین اولدو، بوران اولدو، ایتیردیم، بو داغلاردان آشان بیر سونام تکدی. ائنر یئرده دومان چیسکینی بسلر، اشیق اولان اؤز م`شوقونو سسلر، پیس گونده دوستونو آتماز مرد کسلر، بو داغلاردان آشان بیر سونام تکدی. ایتیردیم اصلیمی دورماز، آرارام، کسیلدی صبیریم، هم یوخدو چارام، من کرمم، عشق اودونا یانارام، بو داغلاردان آشان بیر سونام تکدی.

کرم آداملاردان کئشیشی سوروشدو. آداملار کئشیشین دونن کئچدیگینی خبر وئردیلر. بونلار یولا دوشوب، بیر مودت یول گئتدیلر. بیر داغین اتگینده بونلارین قاباغینا قیرخ هارامی چیخدی، اونلاری هر طرفدن آرایا آلدیلار. کرم احوالی بئله گؤرنده سازی گؤتوروب دئدی: گئجه-گوندوز زاری-زاری آغلارام، منی وطنیمه گؤندر، یا رببی! بو دونیایا گلن گئتمک اوچوندو، بورادان قولونو قورتار، یا رببی! یا رببی، سن ساخلا کؤنلومو قمدن، ایتیردیم عاغلیمی، سان چیخماز تندن، اؤلدوررلر منی، یار گئدر الدن، منیم حالیم سنه یئتر، یا رببی! بو کرمی عشق اودونا یاندیرمان، سئودیگیم قونچایی مندن سالدیرمان، هئی آغالار، ائللری ده گولدورمن، قلبینه مرحمت یئندیر، یا رببی! هارامیلار اونلاری اؤلدورمه ییب، سوروشدولار: - سیز کیمسینیز، هارا گئدیرسینیز؟ کرم دئدی: - من ضیاد خانین اوغلویام. قارا کئشیشین قیزینا آشیق اولموشام. کئشیش قیزینی گؤتوروب قاچیب. اونون دالینا دوشموشم. هارامیلار بیر-بیری نین اوزونه باخیب دئدیلر: - بو حاق آشیغیدی. وار گئت، آشیق، آللاه سنی مورادینا چاتدیرسین. کرمله صوفی بیر قدر گئتدیلر، بیر شهره یاخینلاشاندا کرم دایاندی. صوفی دئدی: - نییه دایانمیسان؟ کرم دئدی: - بیلیرم، کئشیش بوردا دا یوخدو.

صوفی چوخ دئدی، کرم آز ائشیتدی، یئریندن ترپنمه دی. صوفی نالاس کرمی اورادا قویدو، اؤزو خبر توتماق اوچون شهره گئتدی. کرم قالدی تک، قم-غوصه اونو سوغلادی، سازی دؤشونه باسیب دئدی: قلبی هاواینان اوچارسان، ائندیریدیم، کؤنول، سنی. بوداق-بوداق گول دالینا قوندورایدیم، کؤنول، سنی. اوسا داغلار اوسا اولور، گوندوز کئچر، گئجه اولور، گؤر آیریلیق نئجه اولور، قاندیرایدیم، کؤنول، سنی. اوسا داغدان آشیرایدیم، وطنیننن کؤچوریدیم، قوربت ائله دوشوریدیم، یاندیرایدیم، کؤنول، سنی. اؤردگی اوولارلار گؤلده، شاهینی بسلرلر قولدا، بعضیرگان کئچدیگی یولدا ائندیریدیم، کؤنول، سنی. دردلی کرم قان عاغلییار، اورگین چارپاز داغلییار، یاز، باهاری یاس ساخلییار، گولدوریدیم، کؤنول، سنی. سؤز تزسه تامام اولموشدو کی، صوفی گلدی، کئشیشین اورادا اولمادیغینی خبر وئردی. کرمین اورگی دمیرچی کوره سی کیمی یانماغا باشلادی. سازی دؤشونه باسدی، اوزونو یوللارا توتوب دئدی:

قاسید یاردان یامان خبر گتیردی، منه نه عصاییب حال اولدو بو گون. بیر اولان دردیمی یوزه یئتیردی، یاندی قارا باغریم، کول اولدو بو گون. مسنون کیمی گزدیم سهرانی، داغی، فلک شربتیمی ائیله دی آغی، ایدی قامتیمی اصلی فراغی، توتولدو دیللریم، لال اولدو بو گون. من کرمم، نئیله میشم، نئیلگیم، خنجرالیب، باغریم باشین تئیلگیم. اوز توتوب قوربته سفر ائیلگیم، قارلی داغلار منه یول اولدو بو گون. صوفی گؤردو کی، کرمین حالی چوخ پریشاندی. ایسته دی اونا تسللی وئرسین، دئدی: - عزیزیم، گنه نه اولدو سنه؟ کرم سازی باسدی دؤشون: صوفی، نه سورورسان منیم حالیمی؟ یاردان آیریلاندا شاد اولماز کؤنول. لئیلیسین ایتیرمیش مسنونا دؤندوم، هر گئجه پاپاغی تاس اولماز کؤنول. بیر دم سیاح اولور، قیلینس قورشانیر، بیر دم توراب اولوب، یئره دؤشه نیر، بیر دم هاقدان قورخو چکیر، اوشنیر، بیر دم پادشاهنان باس اولور کؤنول. بیر دم گؤلده بیتن قارغی، قامیشدی، بیر دم باغچالاردا دورلو یئمیشدی، بیر دم قیزیل اولور، بیر دم گوموشدو، بیر دم پاسلانیر دا، تونس اولور کؤنول.

بیر دم پییادادی، بیر دم آتلانیر، بیر دم شکر اولور، بیر دم دادلانیر، بیر دم اولور هر صفایا قاتلانیر، بیر دم زهردن ده آسی اولور کؤنول. بیر دم آبدال اولور، گیریر شاللارا، بیر دم دللال اولور، دوشور دیللره، بیر دم یولچو اولور، گئدیر یوللارا، بیر دم کئچنلردن باس آلیر کؤنول. کرم دئیر: آخیرینا ایریلمز، عرب آت یورولور، کؤنول یورولماز، کؤنول بیر سارایدی سینار، هؤرولمز، ازه لی، سوراسی کؤچ اولور کؤنول. کرم سؤزو قورتاریب، آیاغا قالخدی، یئنه ده گئتمه یه باشلادیلار. گئتهاگئت، بیر آخشام گؤزل بیر کنده گلیب چیخدیلار. ائله کرمی چیینینده ساز گؤرسک کند اهلی تؤکولدو، اونلاری حؤرمتنن، ایززتنن بیر ائوه آپاردیلار. بلی، قوناقلار یئدیلر، ایچدیلر، اورادان-بورادان صؤحبت ائله دیلر. کرمدن بیر نئچه سی اوخوماغینی خواهیش ائله دی. کرم آیاغا قالخدی، سازی دؤشونه باسدی، دئدی: ای هزارات، اصلیم گئتدی الیمدن، قالدیم بوردا آهو-زارین ایچینده. باغی توتدو شئیدا بولبول ناله سی، بولبول باغری یاندی خارین ایچینده. سئیراغیبین فیتنه سینه ایناندیم، فیرقت نه اولدوغون سونرادان قاندیم. یارین هسرتیننن آلیشدیم، یاندیم، پیلتتک قوورولدوم نارین ایچینده. کرمم، نئسولدو اولوسوم، ائلیم،

یار، یار سؤیله مکدن لال اولدو دیلیم، خان اصلیمدن آیری بوکولدو بئلیم، قالدیم ناموس ایله آرین ایچینده. مجلیس اهلی کرمین بئله یانیقلی-یانیقلی اوخوماغیندان پریشان اولوب، صوفیدن سوروشدولار: - بو آشیق هارالیدی؟ نییه قملی-قملی اوخویور؟ صوفی بوتون احوالاتی اولدن آخیرا مجلیس اهلینه دانیشدی. صوفی نین بو دانیشماغیندان کرمین اورگی بیر آزدا اود توتوب یانماغا باشلادی. سازی دؤشونه میندیریب دئدی: ای عاریفلر، گلین سیزه سؤیلگیم، ایستکلی دوست مننن آرالی دوشدو. ایللر هسرتییم، آیلار آیریسی، سینم بایغو کیمی یارالی دوشدو. یئنییئتمه، اون اوچ، اون دؤرد یاشیندا، عئیبی یوخدو کیپریگینده، قاشیندا، اخشام، صاباح بولاخلارین باشیندا، یادیما داغلارین مارالی دوشدو. کرمم، یوللاریم توز، قوبار اولدو، بوران اولدو، چوغون اولدو، قار اولدو، دوست باغیندا هئیوا اولدو، نار اولدو، بو ایل بیزیم باغلار قورالی دوشدو. کرم سؤزو قورتاریب یولا دوشدو، صوفی ده اونون دالینسا. آز گئتدیلر، اوز گئتدیلر، گئدیب بیر چایین کنارینا چاتدیلار. کرم باخدی کی، ساغ طرف قایا، سول مئشه ، قاباق دا چایدی. دایانیب، صوفییا دئدی: - صوفی له له، اَیلن بو یئرلردن اصلی خانی سوروشوم، بلکه بونلار بیزه اونون یئرینی دئدیلر. صوفی دایاندی. آلدی کرم گؤرک قایادان، مئشه دن، چایدان اصلینی نه سور سوروشدو:

لینک های طلایی :